DABI'UN GIRMA

Gatanan ku zauna ku jita
Wakar yabo ce na yi ta
Kan jagaban duk halitta
Halinsa ne zan rubuta
Duk da sanin da nai ya ƙaranta

Ya shugaban duk halittu
Na Khadija Abba ga Bintu
In har ka na son mu jitu
To ka fito ka so Ɗa na Shitu
Kyan akhlaku an bashi tuta

Nai jinjina har da godo
Gun Rabbana nawa dodo
Dunyarga Shi zai yi gado
Sannan matattu ya tado
Ranar nuna Gwarzon halitta

Kai sallama har salati
Gun Hamidan mai kanati
Masanin cikar naka Zati
Har ahlihi har banati
A ciki har ka sanya da Binta

Begenka zai sa na zautu
Ya zanyi ne in kusantu
Ga ba karatu rubutu
A fagen yabon banda hutu
Koda zan jiki yajjigata

Na tashi kuka na ke yi
Ihu na ke harda wiyi
Na rassa ya za na ma yi
Kaunarka Mahmudu Mahyi
Kar fa ta zam silar hallakata

Ya mai dabi'u na girma
Aiko ka yai don ka cimma
Wannan batu ya yi shi ma
Halayensa Qur'an ka kama
Ko can ba shi karya da mita

Ko Jalla ma yai yabonsa
Kan ɗaukakar lammarinsa
Da makarimun yai batunsa
Farkon Noon idan dai ka fansa
Aya tahhudun fassarata

Ni Jalla zan so na koya
A batun da yaiwo a aya
Wada nai batu nan a baya
Halayensa yau zan kidanya
Ya Allah ka karan fahimta

Daga A'isha ma uwata
Yayinda an tambayeta
Kan duk ta'adun mijinta
Amsarta ta dunkuleta
Ai Kur'ani in ka fahimta

Wannan ta'adu na girma
Gun Shugaba babu dama
Su zan faɗo yan kaɗan ma
Sai gani sam banda himma
Allah shi fa zai ba ni gata

Mun san shi ango na Assha
Tun fil azal ba shi assha
Ga tattali ba bushasha
Mai hankali ba shi fahsha
Kan kyawun hali ya yi rata

Kunyarsa wane budurwa
Da rikon amana ga kowa
Kyauta ko shi ne fa baiwa
Danginsa ba ya zubarwa
Harda makotaka har aminta

Da yana a tsumma na goyo
Da Banu Sa'ad sunka yayo
Ya nuna hali na koyo
Mamakin Halima da tayyo
Ta yayo gaban duk halitta

In zata shashe su mama
Sam ba shi nunin zalama
Wasu lokutan ba shi sha ma
Na lura a kullum Halima
Mai rainon da ba dai kamarta

Ba ya  faɗa tun azal shi
Fara'a gare shi da mur'shi
Ba'a gane ma yai fushi shi
A guminsa domin da kamshi
Har Ɗan Goma sun yi shi mata

Kyan zuciya ga zumunci
Bai yin fushi ko ko kunci
Wautar mutum ko ko naci
Ba su sa shi rai nai ya ɓaci
Shi ne maganin dukka cuta

Bai yin ta bauta ga gunki
Bai ayyukan nan na shirki
Bai  shan giya ma Ma'aiki
Bai yin sa mugu na aiki
Tutar godiya zai rikota

Matsalar waninsa ya ɗauka
Zai lamuni yabbiyaka
Ko baida shi sai  ya dauka
Da sun samu shi zai kiraka
Kunji uba ga duk mai wadata

Mara lafiya za ya gaisar
Gun gayyata sai ya amsar
Yara kanana ya gaisar
Duk mai bukata ya gamsar
Sannu Rasulu mai son zumunta

Duk duniya ba kamarsa
Gun kyan hali ba irinsa
Mai tausayi ne na Hafsa
Koda ga dabbar hawansa
Manzo ba ya son ai mugunta

A kasuwa ba shi ihu
Siffarsa ce tun a lauhu
Taushin hali ba shi lahhu
Kuma kamili ba shi laghu
Zan fansheka ni da uwata

Bai ji da kai ko ko izza
Shi ne jakadan Mu'izza
Mai tausayi har ga kaza
Washin wuka kar a durza
Ya jinkai ga dukkan halitta

Wani ya shigo yai fitsari
Farfajiyar nan ta zikri
Manzo ko yai massa uzri
Gugar ruwa yayyi amri
Sannan yai hani kar a cuta

In banda shi mai mukamai
Fa abin yabon nan a sammai
Da kasar fa ba masu cimmai
Hakurinsa ya tara dammai
Ni fansarka ce rayuwata

In yai batu zaiyi kari
Kan sannu bai yi da sauri
Harshensa sam babu kudri
Fa Fasihu ne kam Naziri
Mai kyawun jiki ga nagarta

Zan sallama nan na huta
Wakarga ni ne na yi ta
Na'Rasulu mai son ku ji ta
Ga sallama har salata
Kan Mahmudu Abba ga Binta

Rambazzu ne Mazu-mazu
Ɗaba-Ɗaba Bawan Mu'izzu
Mai sujjada gun Azizu
Ango wajen Nana Dizu
Karbi yabonga don arzikinta

Hjira tana dai alif ne
Da dari hudu arba'in ne
Karo uku don su gane
A Muharramun yai rabi ne
Tarihinta don kar a manta

Allahu yai rantsuwa dai
Ya jaddada tunda saidai
Ya ce kana kan ta'adai
Duk ba na Allahu waddai
Mai khulukun azhimun da gata

Comments

Post a Comment

Popular posts from this blog

BARAM-BARAM

BARAM-BARAM Annabi na sonka nake Kana ƙin mai ƙin nake Nai bara'a ba ni sake Izgilancin nan da suke Sun yi zane sunka sake Intanet can sinka fake Dauri anyo Dandarake Mai ƙafafun fanfalake Yau ko hoton nan da suke Ya yi muni kar mu sake Ga tokobi nan a rƙe Wai fa Islam yanda ya ke To Muhammadu sun yi sake Ya fi taurarin falake Kyansa ya wuce duk ku riƙe Kwarji ne ga hasike Sanda Hassan yai kasake Ya ga kyawu kyan gaske Maimakon zambon da ya ke Sai ya hau bege ya dake Darajoji gun sa suke Martabobo shi ya riƙe Hassadar nan duk da ku ke Ba ta tauye yanda ya ke Wanga yaƙi ne da ku ke Ku da Al-ƙahharu ku ke Faɗuwa ce har a tuƙe Ba bu riba duk ku riƙe Duniyar nan ba ku sake Ƙuntata ce har a tuƙe Lahira wuta za'a sake Ƙarƙashin Saƙara a niƙe Izgilancin duk da ku ke Bai na da can wanda ake Ran Badar duk anka sake Rijiya ɗuk anka ɗake Babu wadi don ku fake Koko tsauni har a tuƙe In Ta'ala za ya riƙe Tsanani damƙar sa ta ke Na Samudu da Adu su ke? Ƙaumu Lufin duk ya niƙe Har biranan...
Read more

MAWADDAH

In kana jin fushi da anbaci Zahra Ko mijinta da Ƴan Tagwayen Yara Tofa malam ka je ka sauya dabara Don kwa tsatsa a zuciya ka tara Ya kamata mu saura duk kan tsari Don ƙiyayyar da kai da mai tattaki Kar ta sanya ka yin fushi da Ma'aiki Bai buƙatar kuɗin ku ko alkaki Sai mawaddah ga Ƴan Gida mai Tsarki Suratush-Shura je ka sumnin fari In watan haihuwarsa ma ya kama Babu kai ba faɗa da tada husuma Ƙungiyar ka daban da ta su kwa suma Za su ce baka son Uba gun Umma Shi fa Manzon mu ne Bashiri-Naziri To batu ne ake na ƙaunar Sidi Bugi ƙaimi ka sake tamke sirdi Tafiyar nan shigo ciki ba ƙaidi Bisa tsari kuje wajen Maulidi Inda hali ku shafa ma bandiri
Read more

Raina Fansar Ka

Ina ƙaunar Miji gun Nana Hafsa Iyayena da kaina gun ka fansa A sunan Rabbu Ƙhaliƙu ne na kan sa Idan zan fara komai don isar Sa Salat da salami ninninka akan sa Da rahma har da albarka akan sa Da mataye ka sa ahlin gidansa Sahabbai har da masu biyar sahun sa A bayan nan a yau zan nuna son sa A waƙen nan idan na bada amsa Ga mai neman dalilin nuna son sa Da arna masu batanci akansa Da fatan za su gane ina na dosa Gama sam ba su gane kala ta sonsa Muna ƙaunar sa ne ƙaunar da ke sa Mu bar komai idan shi za ya nisa Abu Sufyanu in na tuno batun sa Da ɗai bai san ba wanda ka so kamar sa A faɗin duniyar ga iya saninsa Mutum bai so waninsa ba sam kamar sa Sahabi ne ana cisgar jikinsa Ya ce bai son ƙaya fa ta je wajen sa Mu kan iya bada komai mu a kan sa Iyaye duk da dangi kansa fansa Riƙe al'ana ya Umari hadisa A son sa ku sa dukan komai ƙasansa Ku so shi ku bi shi ba mu da ɗai kamar sa Mu kare shi da alayen gidan sa
Read more